Në Serbi, përveç shtetit edhe qytetarë të thjeshtë bëjnë çdo gjë që të shprehin qëndrimin kundër pavarësisë së Kosovës. Ivica Daçiç si ministër i Jashtëm lobon hapur kundër pavarësisë së Republikës së Kosovës duke pretenduar se po i heq disa njohje që Kosovës i kanë ardhur nga disa vende të largëta afrikane.
E pa u ndikuar nga kjo politikë shkatërruese e politikanëve serbë, nuk kanë qëndruar as qytetarët e biznesmenët që veprojnë në Serbi. Një pronar restoranti ka vendosur që klientëve të tij t’u shërbejë vetëm specialitete e ushqime të vendeve të cilat nuk e kanë njohur pavarësinë e Republikës së Kosovës.
Menyja e këtij restoranti që gjendet në Beograd përcaktohet nga politika. Sipas një punëtori që punon në këtë restorant, që nga viti 2017 kanë vendosur që të shërbejnë vetëm gatime të shteteve të cilat nuk e njohin pavarësinë e Kosovës.
“Ne përgatisim specialitete nga 65 vende të ndryshme të botës, 13 prej të cilave tashmë kanë një vend special në menu, pasi e kanë tërhequr njohjen për Kosovën.