Iku edhe sot një tjetër ditë e bukur dhe me diell por gradualisht në ditët në vijim do të kemi një paqëndrueshmëri të lehtë të kushteve atmosferike. Në këtë mënyrë masat ajrore me origjinë veriore që do të depërtojnë nesër mbi territorin tonë, do të sjellin mot me kthjellime dhe alternime vranësirash. Përgjatë vijës bregdetare dhe ultësirën perëndimore do të dominojnë kthjellimet (pa përjashtuar vranësirat kalimtare) ndërsa në relievet malore në Verilindje dhe Juglindje moti do të jetë kryesisht i vranët me alternime kthjellimesh. Era për nesër pritet të jetë me drejtim kryesor nga kuadrtati i Veriut dhe relativisht e lehtë me shpejtësi deri në 10m/s. Për shkak të masave ajrore të ftohta me origjinë veriore temperaturat nesër pritet të kenë rënie në vlerat minimale dhe ato maksimale.
Më konkretisht:
Në zonat malore -6° deri 4°C
Në zonat e ulëta -4° deri 11°C
Në zonat bregedetare 1° deri 13°C