Nëna e 18-vjeçarit i cili kreu masakrën në Texas ku mbetën të vrarë 19 fëmijë dhe dy mësues ka folur për mediat duke pretenduar se djali i saj nuk ishte i dhunshëm.
Adriana Reyes u shpreh se është befasuar kur mësoi se i biri, Salvador Ramos kishte hapur zjarr në shkollën fillore, e madje kishte qëlluar edhe gjyshen e tij. Ajo ka kujtuar se për herë të fundit ka folur me djalin të hënën, në ditën e tij të lindjes. Gruaja mohoi të kishte marrëdhënie të ftohtë me djalin, por pranoi se 18-vjeçari nuk kishte shumë miq.
“Djali im nuk ishte një person i dhunshëm. Unë jam i befasuar nga ajo që ai bëri,” tha ajo për mediat e huaja.
“Unë lutem për ato familje. Unë lutem për të gjithë ata fëmijë të pafajshëm, po unë jam. Ata nuk patën asnjë pjesë në këtë.”
Reyes theksoi se nuk e dinte që Salvador qëlloi gjyshen e tij dhe mamanë e saj. E moshuara ndodhet në spital në gjendje kritike për jetën.
Sakaq, pak ditë para se të kryente krimin, autori kishte publikuar në rrjete sociale blerjen e dy armëve. Ai punonte në një restorant dhe kolegët e përshkruan si jo miqësorë.
Një ish-shok klase pohoi më tej se ai ishte bullizuar sistematikisht nga bashkëmoshatarët, ky ishte dhe shkaku që i riu vendosi të linte shkollën.