Mjalti është i njohur për vlerat e tij shëndetësore, por prindërit nuk duhet të nxitohen për tu dhënë mjaltë fëmijëve.
Duhet të merrni parasysh moshën e fëmijës në momentin që ai duhet të konsumojë mjaltin.
Kjo për shkak se efektet anësore janë shumë serioze nëse ja filloni mjaltin fëmijës shumë herët.
Një nga efektet anësore të tij është edhe botulizmi, një sëmundje serioze që shkaktohet nga një toksinë nervore bërë nga bakteri, botulinum Clostridium botulinum (C).
Mjalti është i njohur si burim i sporeve të cilat krijojnë bakterin Clostridiumbotulinum. Kur foshnja që është në gji i fut në organizëm, këto baktere prodhojnë toksinën e cila shkakton botulizmin foshnjor. Prandaj, fëmijëve më të vegjël se 12 muaj kurrë nuk bën t’u jepet mjaltë.
Shenjat më të shpeshta të simptomave të botulizmit janë:
- kapsllëku i vazhdueshëm (konstipacioni);
- duar të plogështa,
- këmbë dhe duar;
- qarje e dobët për shkak të dobësisë së muskujve;
- vështirësi në ushqim me gji,
- bebja nuk ka forcë të thithë qumështin;
- lodhje e theksuar e foshnjës (përgjumje e vazhdueshme);
- vështirësi në frymëmarrje.
Botulizmi foshnjor nuk është aspak sëmundje e parrezikshme sepse sulmon sistemin nervor të bebes. Mirëpo, shumica e bebeve arrin të shërohen.