Policia britanike ka publikuar sot fotot e një nëne dhe bijës së saj 15 vjecare që kishin qëndruar të vdekura për tre ditë në apartamentin e tyre në një rast të dyshuar si vrasje-vetëvrasje në Irlandën e Veriut.
Trupat e nënës e bijës Giselle e Allison Marimon-Herrera u gjetën bashkë me trupin e pajetë të një 38 vjeçari nga Skocia, i cili besohet se ishte në një lidhje me 37 vjeçaren.
Marimon-Herrera ishte me origjinë nga Kolumbia dhe erdhi në Irlandën e Veriut katër vjet më parë.
Bija e saj kishte lindur në Spanjë dhe ka jetuar në Britani prej vitit 2017. Policia nuk ka identifikuar skocezin e vdekur 38 vjeçar.
Ata thanë se po hetojnë vrasjet por nuk po kërkojnë për njerëz të tjertër të përfshirë.
Një e njohur e familjes tha: ‘Ishte një vajzë e qetë dhe punëtore. Kur ishte me ne ishte shumë zbavitëse.’
Dyshja jetonte në apartamentin e tyre me dy qen, ndërsa dhe familja e motrës së Marimon-Herrera jetonte aty pranë.