Rregullorja e re e Kuvendit ka hasur në mjaft debate mes maxhorancës dhe opozitës që u miratua në parim në Komisionin e Ligjeve. Në një nga pikat e saj është parashikuar tu ndërpritet fjala deputetëve kur flasin jashtë rendit të ditës.
Neni 48 që flet pikërisht për diskutimet në Kuvend, në riformulimin e tij thotë se drejtuesi i seancës mund të ndërpreësë fjalën deputetit kur diskutimi është jashtë thelbit të çështjes, e mbi të gjitha mbetet në vlerësimin e tij.
“Çdo diskutues, me përjashtim të rasteve kur në këtë Rregullore parashikohet ndryshe, ka të drejtë të flasë jo më shumë se 10 minuta. Diskutuesi nuk mund të flasë më shumë se një herë për thelbin e së njëjtës çështje dhe nuk mund të marrë nga koha e një diskutuesi tjetër.
Drejtuesi i seancës, kur çmohet prej tij, mund të ndërpresë fjalën e diskutuesit kur diskutimi është jashtë thelbit të çështjes”, thuhet në nenin 48 të riformuluar.