Nënprefekti i Matit, Hasan Pasha ka falenderuar nëpërmjet një postimi në fb punën e ish drejtorit të Policisë Dibër, Edmond Tarkaj. Pasha shprehet se Tarkaj ishte model për kolegët, vartësit, drejtuesit e pushtetit lokal dhe qytetarët. Transferimi i tij pas 5 viteve në këtë detyrë të rëndësishme ka lënë mbresa për banorët e Dibrës, Matit e Bulqizës.
Postimi i plotë:
Drejtuesi model i Policisë !
Edmond Tarkaj drejtoj Policinë e Shtetit në rajonin e Dibrës për afro pesë vjet. Ndoshta është drejtuesi me jetëgjatë në këtë qark. Falë punës, përkushtimit, korrektësisë, profesionalizmit, guximit, komunikimit la gjurmë pozitive.
Vartës të tij shprehen me konsiderata të larta për Mond Tarkajn. Thonë se ishte një drejtues i aftë, i papërtuar, mjaft këmbëngulës.
Drejtues të organeve të qeverisjes vendore e shohin punën e ish drejtorit rajonal si një model mjaft i mirë, që duhet marrë shembull.
Qytetarët e Dibrës, Matit e Bulqizës, ata që e kanë kontaktuar, telefonuar apo i janë ankuar me letra kanë gjetur vazhdimisht mbeështetje nga Mond Tarkaj.
Marrëdhëniet e ish drejtorit me njerëzit e medias vazhdimisht korrekte. Fliste shumë pak, por profesionistët e kuptonin thelbin e informacionit.
Për Tarkajn nuk kanë respekt vetëm ata që ai u prishi “qetësinë” si pjesë e krimit apo ca opozitarë të këqinj që kërkonin prishje të rendit e qetësisë në Qarkun e Dibrës.
Të vaftë mbarë e mirë detyra e re zoti Drejtor !