Tjetër objekt në qytetin e Burrelit do të rehabilitohet. Bashkia Mat dhe Vizion OJF nënshkruan sot një marrëveshje për rivitalizimin e godinës së QKF Burrel, me qëllim nxitjen e arsimimit dhe kulturës në zonën e Matit.
Rivitalizimi i godinës do të bashkëfinancohet nga Vizion OJF me partner Projekt Albanien dhe Bashkinë Mat. Ky projekt synon rigjallërimin QKF Mat, duke mundësuar rikonstruksionin e plotë të kësaj qendre për të përmirësuar kushtet ku zhvillohen orët artistike e kulturore për fëmijët e zonës, përfshirë këtu fëmijët me nevoja të veçanta, fëmijët grup risku dhe vulnerabël, bazuar mbi parimet e gjithëpërfshirjes dhe integrimit social.
QKF Burrel është një objekt i ndërtuar shumë dekada më parë dhe është amortizuar shumë për shkaqe të ndryshme.
