E kemi thënë edhe më parë që lëkura e bananes është po aq e çmuar sa fruti, prandaj edhe nuk duhet hedhur asnjëherë.
Lëkura e bananes gjen përdorim tek kozmetika, zbardhja e dhëmbëve dhe kopshtaria. Sot do të flasim për efektet e saj në lëkurat e thata, ato me akne, por edhe ato që kanë nevojë për ushqyerje dhe hidratim.
Maskë që i jep shkëlqim lëkurës
Trajtimet e bukurisë të krijuara në shtëpi me përbërës natyralë janë një eliksir i vërtetë për lëkurën.
Duke qenë e pasur me antioksidantë, kripëra minerale dhe vitamina, lëkura e bananes është perfekte për t’i dhënë lëkurës një pamje të shëndetshme dhe me shkëlqim.
Vendosni gjysmë banane së bashku me lëkurën e saj në mikser. Më pas, shtoni një lugë kos dhe përzieni derisa të krijohet një masë homogjene. Lëreni maskën 15 minuta në fytyrë dhe shpëlajeni.
Ndihmon për të luftuar aknet
Si një trajtim për aknet, fërkoni çdo mbrëmje pjesën e brendshme të lëkurës së bananes në fytyrë dhe shkoni të flini pa e larë fytyrën në mënyrë që të veprojë gjithë natën. Në mëngjes lani fytyrën.
Ushqen lëkurën e thatë
Për kujdesin e lëkurës së thatë mund të përgatisni një maskë me lëkurën e bananes të prerë në copëza të vogla, një lugë sodë bukë dhe pak ujë.
Aplikojeni maskën në fytyrë dhe qafë dhe lëreni të veprojë për 20 minuta. Më pas, shpëlajeni fytyrën./