Nesër paradite (e martë) pritet të mblidhet për herë të dytë Komisioni Hetimor për shkarkimin e presidentit Ilir Meta.
Në rendin e ditës është parashikuar miratimi i kalendarit të punimeve të Komisionit Hetimor, por edhe caktimi i ekspertëve për marrjen e ekspertizës që kërkon njohuri të posaçme sipas objektit të hetimit.
Rendi i ditës
Miratimi i rregullores së brendshme të funksionimit dhe veprimtarisë së komisionit hetimor.
Miratimi i kalendarit të punimeve të Komisionit Hetimor.
Caktimi i ekspertëve për marrjen e ekspertizës që kërkon njohuri të posaçme sipas objektit të hetimit.
Çështje të tjera
Ky është komisioni i dytë hetimor që ngrihet për hetimet e shkeljeve kushtetuese për Ilir Metën brenda 2 viteve, ku mazhoranca kërkon shkarkimin e tij nga detyra.
Afati i punës së Komisionit Hetimor i ngritur nga Kuvendi pritet që të jetë një muaj, përgjatë të cilit do të shqyrtohen të gjitha argumentet e ngritura nga Partia Socialiste për shkarkimin e Presidentit.
Vendimi i shkarkimit të Presidentit duhet të mbështetet nga të paktën 2/3 e anëtarëve të Parlamentit.
