Komisioni Qendror i Zgjedhjeve (KQZ) i Kosovës do të shpallë nesër rezultatet përfundimtare të zgjedhjeve të parakohshme për Kuvend, të mbajtura më 28 dhjetor 2025.
Mbledhja e radhës e KQZ-së do të mbahet të shtunën, më 31 janar 2026, duke filluar nga ora 10:00, ku njëra nga pikat kryesore në rendin e ditës do të jetë shpallja e rezultateve përfundimtare.
Procesi i rinumërimit, i nisur më 13 janar, pritet të përmbyllet sonte, më 30 janar. Aktualisht kanë mbetur për rinumërim më pak se 50 vendvotime nga gjithsej 2,557 të përfshira në proces.
Shpallja e rezultateve përfundimtare vjen pas përfundimit të rinumërimit dhe pritet të konfirmojë fituesit e zgjedhjeve parlamentare.