Berlini është kryeqendra e futbollit të dielën, kur në orën 21:00 dy gjigantët e futbollit botëror përballen me synim fitoren e trofeut. Të dielën Spanja kërkon ndaj Anglisë rekordin pasi mund të shpallet kampione e Europës për herë të katërt në histori më shumë se çdo skuadër tjetër.
Anglia që luan finalen e dytë radhazi në Evropian do të bëjë historinë pasi është në kërkim të triumfit të parë në kontinent. Shumë personalitete priten të jenë të pranishëm në stadium, duke përfshirë Princin Uilliam dhe familjen e tij.
Ndeshja do të gjykohet nga arbitri francez, François Letexier, 35 vjeç. Letexier do të bëhet arbitri më i ri ndonjëherë që gjykon finalen e Kampionatit Evropian, një privilegj që francezi duket se po e shijon.
Formacionet e mundshme
Spanjë: Simón; Carvajal, Le Normand, Laporte, Cucurella; Ruiz, Rodri, Olmo; Yamal, Morata, Williams
Angli: Pickford; Walker, Stones, Guéhi; Saka, Mainoo, Rajs, Shaw; Bellingham, Foden; Kane