Kryeministri tha gjatë një bisede në studio se nesër do të mbërrijnë në Shqipëri dozat e reja nga AstraZeneca, për të vaksinuar mëesuesit, pedagogët dhe më vonë edhe efektivët e Policisë, etj. Ai tha se vazhdojnë bisedimet me vende të tjera për të siguruar sasi të tjera vaksinash.
Edi Rama theksoi se: “Jemi në negociata me dy vende për sasi të mëdha vaksinash. Shpresoj shumë që kontratat të finalizohen shumë shpejt dhe ne të nisim vaksinimin masiv. Nesër vijnë dozat nga Astrazeneca dhe nisim vaksinimin e mësuesve dhe pedagogëve. Ne sytë i kemi pasur të hedhur gjithandej, për hir të së vërtetës. Kemi pritur nga Pfizer, por nuk ka bërë as për Bashkimin Europian. Por vaksinat ruse dhe kineze nuk janë në ndonjë tezgë. Këto që do të marrim ne është një seri tjetër, për të gjitha grupmoshat. Dhe nuk kanë asnjë lloj problemi. Ato që janë bllokuar në vendet e botës, janë një tjetër seri.”