Kryeministri i Izraelit, Benjamin Netanyahu thekson se Forcat e Mbrojtjes Izraelite do të mbajnë kontrollin në Rripin e Gazës pas përfundimit të luftës aktuale dhe nuk do të mbështetet në forcat ndërkombëtare për të mbikëqyrur sigurinë përgjatë kufirit.
Netanyahu i bëri komentet në një takim me kryetarët e qyteteve kufitare të Gaza-s. Udhëheqësit lokalë mbikëqyrin shumë nga komunitetet që u sulmuan dhe u vranë dhe nga Hamasi më 7 tetori në komunitetet jugore.
“Forcat e Mbrojtjes Izraelite do të mbajnë nën kontroll Rripin e Gazës, ne nuk do t’ia japim atë forcave ndërkombëtare”, tha Netanyahu.
Në fillim të kësaj jave, Netanyahu i tha ABC News se Izraeli do të ketë “përgjegjësi të përgjithshme të sigurisë” mbi Rripin e Gazës “për një periudhë të pacaktuar” pas përfundimit të luftës kundër Hamasit.