Nevina Shtylla, moderatorja e njohur e ekranit shqiptar nuk do të jetë më pjesë e “Procesit Sportiv” në sezonin e ri. Ajo do të vijojë të qëndrojë në “Top Channel”, por tashmë në një tjetër emision.
Bordo.al bën të ditur se Nevina do të zërë vendin e Stela Kotrit në emisionin e paradites “Në Shtëpinë Tonë”, ku do të prezantojë përkrah Florian Agalliut.
Ky i fundit më herët kishte bërë të ditur se do të largohej nga programi, por mesa duket gjërat kanë ndryshuar. Kujtojmë se autore e tij është bashkëshortja e Florit, Renisa Shabani.
Ndërkaq, vendin e Nevinës do e zërë një tjetër bukuroshe dhe bëhet fjalë për Ilda Bejlerin ku do jetë së bashku me Edi Manushin.