Reperi Cllevio Serbia, emri i vërtetë i të cilit është Kleviol Ahmeti, është bërë kryefja e mediave në dy ditët e fundit pas pamjeve që po bëjnë xhiron e rrjetit ku ai shfaqet duke u “zhdëpur në dru” nga Noizy dhe shokët e tij.
Cllevio theu masën e sigurisë “arrest shtëpie” dhe shkoi në Durrës te lokali i reperit së bashku me katër automjete dhe disa persona për t’i treguar forcat grupit kundërshtar “OTR”, por në fund e pësoi keq. Sot, ai u arrestua nga Policia e Lushnjës për thyerjen e masës së sigurisë “arrest shtëpie”.
Por, përveç famës në rrjetet sociale, Kleviol Ahmeti, ose siç njihet ndryshe Cllevio Serbiano, nuk është një emër i panjohur as për drejtësinë dhe as për mediat.
Emri i tij doli për herë të parë në media pas arrestimit në vitin 2014 si i përfshirë në çështjen e avionit me drogë që u kap në Divjakë. Për këtë çështje, ai u dënua me 7 vite e 4 muaj burg si bashkëpunëtor, por në qeli ndënjti vetëm 6 vite dhe pas daljes nga burgu ju rikthye sërish muzikës.
Por, më 19 Mars 2021 ai u arrestua sërish nga Policia, pasi në automjetin që e drejtonte pa leje drejtimi, iu gjetën doza me lëndë narkotike cannabis sativa dhe 3 armë të ftohta (thika). Për këtë çështje ai la qelinë më 19 Prill 2022 mbas kryerjes se denimit prej 13 muajsh dhed gjykata i caktoi masën e sigurës “arrest shtëpie”, të cilën e theu ditën e djeshme ku shkoi në Durrës për t’u zënë me Noizyn.
Kleviol Ahmeti njihet si një shok i ngushtë i reperit Stresi dhe ka qenë ish anëtar i grupit TBA të cilët kanë një armiqësi prej vitesh me grupin OTR të Noizyt. Mirëpo, teksa Stresi vendosi të bënte paqe me Noizyn, Cllevio vendosi të mos bënte të njëjtën gjë si shoku i tij dhe shkoi t’i tregonte forcat tek lokali i reperit në qytetin e Durrësit.
Cllevio Serbiano ndiqet shumë në rrjetet sociale, teksa dhe në repertorin e tij numëron disa këngë.
“CV”-ja e plotë:
Cllevio Serbiano (Kleviol Ahmeti)
Lindur ne Lushnje,i njohur ndryshe edhe si Hudra AKA Problemi, pjestar i grupit TBA (The Bloody Alboz)
Cllevio ka jetuar 11 vite ne New York,atje u njoh me Unikkatilin qe me pas publikuan edhe bashkpunimin e tyre ne vitin 2006 Janar.Gango i Shqiperise
Ne vitin 2014 arrestohet per Trafikim Droge drejt Italise me Avion.
Avioni i Divjakes ishte çeshtja ku Cllevio ishte i perfshire bashke me vellain e tij dhe pilotin e “famshem” Giorgo Riformato ne ate dosje,u denua nga gjykata e krimeve te renda me burg ne vitin 2014.
Ai ka kryer denimin e tij prej 6 vitesh me burg.Doli nga burgu ne vitin 2020 dhe vazhdon me projektet muzikore.
Nje nder rap Artistet me i degjuar i momentit ne Shqiperi,kenget e tij flasin realitetin e jetes se tij ate qe jeton dhe ate qe ka jetuar.
Arrestohet serish me date 19 Mars 2021 ne Shqiperi.
Lirohet nga Burgu me 19 Prill 2022 mbas kryerjes se denimit prej 13 muajsh. Momentalisht eshte nje nder rreperat me te preferuar ne shqiperi.Po ashtu ai vazhdon te thyeje rekorde ne rrjetin social instagram.
Disa nga kenget e tij janë:
Cllevio – Nuk na Ndal
Cllevio ft Unikkatil – Jaran
°Prezenca Attentati
°Ca di ti per burgun
°Buzqeshje cinike
°Psaiko 44
°Reputacioni 44
°44 Triliona,
°44 Sakrifica
°Brooklyn 44
°Gesstapo