Nëse kemi thënë Ledri Vula kemi thënë një nga reperët më të suksesshëm shqiptarë, i cili di si të surprizojë fansat me muzikën dhe artin e tij. Ndonëse njerëzit e duan shumë, Ledri ka preferuar që të jetë pranë tyre me këngë e koncerte e më rrallë nëpër intervista. Një përjashtim, ai e ka bërë së fundmi, pasi ditën e sotme do jetë i ftuar në “Pardon my french”, ky pritet të dhurojë një episod tejet të veçantë, me dy moderatorët Jonida Aliçkolli dhe Kejvin Kalo.
Ndryshe nga të tjerat, intervista e sotme do jetë e konceptuar në bazë të këngëve të reperit. Dashuria, të qenurit baba, familja, kolegët, miqtë jeta si këngëtar me të mirat dhe vështirësitë e veta, Ledri Vula do i thotë të gjitha. Doni mo? Intervista e Ledrit transmetohet ditën e sotme në ora 18:00 në Top Albania Radio dhe me siguri do jetë 10/10!