Presidenti ukrainas Volodymyr Zelensky teksa ka bërë thirrje ndaj Perëndimit që t’i ofrojnë ndihmë Perëndimit, kjo e fundit ka vepruar duke dërguar dronë dhe raketa në Ukrainë. “Ne kemi nevojë për ju tani” u tha Zelensky anëtarëve të Kongresit amerikan në një kërkesat e tij të fundit për ndihmë.
SHBA-ja dhe vendet e tjera anëtare të NATO-s kanë përmbushur një sërë kërkesash të Zelensky-t, ndërkohë që nuk kanë marrë masa të caktuara që ata thonë se mund të rrezikojnë përshkallëzimin e luftës. Ndihma ushtarake e ofruar për Ukrainën deri më tani përfshin armë që variojnë nga dronët portativë deri te sistemet komplekse të raketave me rreze të gjatë.
Ja çfarë është dërguar:
Dronët: Drone të vegjël, të lëvizshëm, të ashtuquajtur kamikazë, të cilët mbajnë koka luftarake dhe shpërthejnë gjatë përplasjes. Modeli më i vogël mund të godasë një objektiv deri në gjashtë milje larg, sipas kompanisë që prodhon dronët, AeroVironment. Është e paqartë se çfarë modeli do të dërgojë SHBA në Ukrainë.
Raketat kundërajrore Stinger: Këto raketa anti-ajrore kanë një rreze prej rreth pesë milje. Në mënyrë kritike, raketat Stinger mund të bëjnë dallimin midis avionëve armik dhe atyre miqësorë.
Armët antitank Javelin: Ky sistem raketash i drejtuar mund të gjuhet nga një ushtar i vetëm me një rreze të gjatë veprimi.
Sistemet kundër armaturës AT-4: Këto armë suedeze kundër armaturës janë “të lehta, me një goditje dhe plotësisht të disponueshme”, sipas kompanisë që i prodhon ato, Saab Bofors Dynamics.
Sistemi i raketave të mbrojtjes ajrore Patriot: SHBA gjithashtu dorëzoi dy sisteme të mbrojtjes raketore në Poloni këtë muaj me qëllim të pengimit të Rusisë dhe rritjes së sigurisë së Polonisë mes shqetësimeve perëndimore se konflikti i Ukrainës mund të përhapet në vendet e lidhura me NATO-n.
Patriot do të thotë “Radar i Gjurmimit me Fazor për Përgjimin e Objektivit” – është krijuar për të kundërshtuar dhe shkatërruar raketat balistike me rreze të shkurtër veprimi, avionë të avancuar dhe raketa lundrimi.
Bateria përfshin raketa dhe stacione lëshimi, një grup radari që zbulon dhe gjurmon objektivat dhe një stacion kontrolli angazhimi, sipas Aleancës së Avokimit të Mbrojtjes së Raketave.