11 shqiptarë janë kthyer me një avion “çarter” vetëm pak pasi kishin kaluar me gomone Kanalin e La Manshit nga Franca në Angli.
Sipas medias britanike ”Daily Mail”, 11 emigrantët shqiptarë janë kthyer në Tiranë gjatë javës së kaluar. Kur ata arritën nga Franca në Angli, u vendosën fillimisht në një ish-bazë ajrore në Manston, Kent, e cila është duke u përdorur për vendosjen e emigrantëve.
Numri i emigrantëve shqiptarë që kalojnë Kanalin e La Manshit u rrit në fillim të verës dhe tani ata përbëjnë 60% të të gjithë emigrantëve që kalojnë në Angli nga veriu i Francës. Që prej fillimit të vitit, rreth 37 mijë emigrantë kanë kaluar në Britani me gomone, nga të cilët 10 mijë janë shqiptarë.