Në Samitin e Komunitetit Politik që po mbahet në Woodstock, Oxfordshire, ku veç liderëve të BE-së janë edhe ata të rajonit të Ballkanit, kryeministri shqiptar Edi Rama ka publikuar edhe fotoalbumin e takimeve që ka zhvilluar, që nga mbreti Charles, kryeministri i ri i Britanisë së Madhe dhe të gjithë liderët e ardhur nga mbarë Europa. Rama ka ndarë një foto me homologun britanik Keir Starmer. Rama dhe Starmer shfaqen në një tryezë të rrumbullakët në një takim kokë më kokë, në parkun e pallatit Blenheim, vendlindja e kryeministrit Sir Winston Churchill.
