Ilnisa Agolli e ftuar në “Wake Up”, ku ka folur për gjithë periudhën brenda si dhe për lidhjen me prezantuesin nga Kosova, finalistin e BBV3, Meriton Mjekiqin.
“Nuk do të lëshohesha kurrë në krahët e dikujt nëse do ta analizoja thellë. Ti nuk mendon për të tjerët, nuk mendon se çfarë do të thonë të tjerët. Edhe kur ndodhi nuk e mendova. Aty fshihet çdo gjë, ti nuk mendon më për të tjerët”, u shpreh ajo. Më pas shton se i ka dërguar edhe një mesazh të vëllait të Meritonit, por duke mos treguar se çfarë i kishte shkruar.
“Kam një marrëdhënie shumë të mirë me Agnesën, motrën e Meritonit. Me Rinorin flas, dje i dërgova një mesazh në fakt”, u shpreh ajo. Në këtë mënyrë, Ilnisa la të kuptohet se ajo ka një raport shumë të mirë me familjarët e partnerit të saj, të cilin e njohu brenda shtëpisë më të famshme në Shqipëri.