Nga sot, 1 shtator, transporti publik në Tiranë nis funksionimin me një numër më të reduktuar autobusësh.
Operatorët urbanë kanë nxjerrë në qarkullim rreth 20-30% më pak mjete, masë e cila prek frekuencën e shërbimit në linjat urbane të kryeqytetit.
Reduktimi vjen në një kohë kur operatorët kanë ngritur shqetësime për situatën financiare dhe kostot e operimit të shërbimit. Për pasagjerët, masa pritet të sjellë intervale më të gjata të qarkullimit të autobusëve në linja të ndryshme.
Vendimi për reduktimin e mjeteve ishte paralajmëruar më herët nga operatorët përmes kërkesave drejtuar institucioneve përgjegjëse.
Nga sot, shërbimi urban në kryeqytet vijon të ofrohet me kapacitet të reduktuar të flotës.