Egli Tako, së fundmi ka realizuar një bisedë virtuale në Instagram, ku ka zbuluar shumë pikëpyetje të ndjekësve në lidhje me jetën e saj personale.
Këtë periudhë, këngëtarja ka qëndruar shumë në heshtje duke e përqëndruar gjithë vëmendjen tek karriera e saj. Ajo nuk është parë shpesh as nën shoqërinë e partnerit të saj Olsi Bylykun duke i shtyrë ndjekësit të mendojnë se mbase dyshja po përjetojnë ndonjë krizë në çift.
Mirëpo Egli nuk ka lënë vend për dyshime duke vendosur pikat mbi “i”.
“A je zënë me Olsin”,-e ka pyetur drejtëpërdrejtë një fans. Po kaq direkte ka qenë edhe përgjigjja e saj: “Jo”.
Egli dhe Olsi më parë shfaqeshin shpesh bashkë në rrjetet sociale, gjë të cilën së fundmi nuk e kemi parë. Një fans i çiftit është “shqetësuar” duke e pyetur këngëtaren: “Pse nuk po ju shohim me Olsin?”
Egli u shpreh se e gjitha kjo vjen si pasojë e angazhimeve të shumta që ka aktori së fundmi.
“Olsi po xhiron filmin e tij të ri, punë kolosale. Ndaj nuk po kalojmë shumë kohë bashkë. Faleminderit që interesoheni,”-shkruan Tako.
Mirëpo fakti që Olsi është me xhirime e ka një zgjidhje nga ndjekësit. Një fans e pyet Eglin pse nuk e shoqëron ajo të dashurin e saj kur është i zënë.
Mirëpo duket se çifti i kanë të ndara gjërat. Puna është punë.
“Ambjentet e punës janë të punës. Si të tijat dhe të mijat. Kam shumë ditë që planifikoj të shkoj të shoh një orë xhirime për pasionin për kinematografinë, por nuk po shkëputem dot,”-shprehet Tako.
Në disa intervista Egli Tako dhe Olsi Bylyku kanë deklaruar se bashkëjetojnë bashkë me prindërit e aktorit.
“Si ia del të bashkëjetosh me prindërit e Olsit? Po të mbash marrëdhënien me të. Të lutem cili është sekreti. Ke durim ti?- pyet një ndjekës.
“Unë nuk shquhem për natyrë e duruar, jam impulsive në shumicën e rasteve. Duke ditur çdokush pozicionin përkatës, nuk ka marrëdhënie që nuk funksionon,”-u shpreh Egli.
Një pyetje që i është bërë shpesh këto kohë Eglit është edhe “A je shtatëzanë”. Këngëtarja ka ironizuar disa herë në rrjetet sociale, duke e mohuar por ndjekësit siç duket nuk janë të bindur.
“Kemi arritur në një pikë që më vjen për të qeshur sinqerisht,”-shkruan Egli.
“Sa vite diferencë ke me Olsin?”-pyet një tjetër.
Vetëm 7 muaj më e vogël është Eglin nga partneri i saj.
Tako e mbylli intervistën me pytje personale duke u shprehur se dëshiron të ketë dy ose tre fëmijë në të ardhmen.
