Nëse Milani nuk arrin të kualifikohet në Champions League atëherë të gjithë planet e drejtuesve do të ndryshonin. Kjo lidhet jo vetëm me emrin e ri që do të marrë drejtimin e skuadrës, teksa largimi i Gatuzos duket i sigurt pavarësisht si mbyllet sezoni, por nga Liga e Kampionëve do të varej edhe merkato e klubit. Sigurisht, rikthimi i Milanit në kompeticionin më të rëndësishëm europian do ta lejonte klubin të kryente investime më të mëdha, ndërsa edhe afrimi i një emri të rëndësishëm në botën e trajningut do të ishte më i thjeshtë.
Ëndrra e kuqezinjve mbetet Mauricio Sarri. Ish-tekniku i Napolit tashmë është në drejtimin e Çelsit, por aventura me blutë e Londrës nuk shkuar sipas pritshmërive në kampionat dhe Sarri është në dyshim për sezonin e ardhshëm. Ndërkohë, një tjetër emër i pëlqyer nga drejtuesit kuqezinj është edhe ish-trajneri i Monakos, Leonardo Zhardim. Portugezi aktualisht është në drejtim të Monakos, por në rast se Milani kualifikohej në Champions atëherë mund të tundohej për të trajnuar italianët. Ndërkohë, nëse Milani mbetet jashtë Ligës së Kampionëve atëherë vëmendja do të kthehej nga trajnerët italianë si Eusebio Di FRançesko apo Xhan Piero Gasperini.
Ndërkaq, e njëjta situatë edhe sa i përket merkatos së lojtarëve. Kualifikimi në Champions do të tërhiqte më shumë futbollistët drejt Milanit, ndërsa mbetja jashtë do të bënte të pamundur për klubin arkëtimin e 50 milionë eurove dhe në këtë formë mund të rrezikonin që të humbnin edhe disa prej ‘xhevahirëve’ të tyre aktualë.