Ministri i Mbrojtjes dhe njëkohësht dhe deputeti i PS-së, Niko Peleshi feston sot ditëlindjen dhe bën 52-vjeç.
Në këtë ditë të veçantë për të, një urim special i ka ardhur dhe nga vajza e tij, Aleksia, e cila me këtë rast ka zbuluar edhe “frikën” e Niko Peleshit.
Në një postim në Instagram, Aleksia shkruan se Peleshi nuk ka qejf ditëlindjet, pasi kur e uron i duket sikur po i thua se “sa qenka plakur”.
Aleksia shton më tej shton se babai i saj është i vetmi person që e njeh në pëllëmbë të dorës dhe personi që e mbështet më së shumti. Ajo ka publikuar gjithashtu disa foto krah Niko Peleshit dhe mesazhin që ai i ka dërguar në WhatsApp.
“Babi nuk i ka shume qejf ditelindjet. I thua “gezuar ditelindjen” dhe i duket sikur po i thua “sa qenke plakur”. Shpesh thote se s’ka frike nga asgje, por ja qe e frikesoka rikujtimi se ka kaluar gjysme shekulli nga dita e lindjes se tij. Ok ok, eshte edhe klaustrofobik.
Megjithate, edhe me nje thinje apo nje rrudhe me shume, babi vazhdon te mbetet miku im me i mire. Krahu im i djathte, mbeshtetesi im me i madh dhe burimi im i frymezimit. Njeriu i vetem qe me njeh ne pellembe te dores dhe me kupton edhe kur nuk kuptoj veten. Ai qe me behet sy kur nuk shoh, vesh kur nuk degjoj dhe ze kur nuk flas. Ai qe i jep botes sime ngjyra edhe kur une e pikturoj bardhe e zi.
Do doja te mund te ma lexoje zemren, qe ta shihje se sa shume te dua edhe kur nga jashte nuk e reflektoj sa duhet.
Gezuar 52 vjetorin ba! ???? Love you endlessly. (Thuajini qe duket me i ri se i behet qejfi)” shkruan Aleksia.