Visar Cengu, 31-vjeç nga Kukësi u vra me armë zjarri në një lokal nate në Prizren. Xhaxhai i tij, Besim Cengu, ka apeluar ndaj organeve të drejtësisë që të mos qëndrojnë indiferente për zbardhjen e vrasjes së nipit të tij.
“Është mirë që drejtësia të merret dhe mos e nxitë vëllain me indiferencë. Organet në Kosovë dhe Shqipëri ta shqyrtojnë këtë rast. Nëse do ketë indiference atëherë nuk duhet të ketë indiferencë nga krahu jonë”.
Xhaxhai e përshkruan nipin si një person paqësor dhe që sa ishte kthyer nga Franca. Ai nënvizon se Visari nuk ishte nga ata persona, të cilët largohen pa paguar nga vendi ku konsumojnë ushqim ose pije.
“Ndoshta, sepse ka pasur ngatërresë që brenda mesa mora vesh unë. Unë i njoh të tre dhe kam bindjen e plotë se këta nuk kishin lidhje me konsumim të një ushqimi dhe të mos paguajnë. Ata kanë qenë çuna të sjellshëm. Fakti që në makinë nuk kanë pasur asnjë mjet luftarak, ata kanë qenë paqësore dhe kanë shkuar për të konsumuar diçka. Djali ka qenë në Francë dhe u kthye tani”, u shpreh xhaxhai.
Në lidhje me rastin, ku mbeti i palgosur dhe shoku i viktimës janë arrestuar 6 persona, ku i dyshuari kryesor mbetet Dibran Hoxha, pronar i lokalit, i njohur ndryshe si “Kobra”. Shkak për konfliktin është bërë pagesa e tavolinës me një vlerë rreth 400 euro.