Këtë të hënë filloi mësimi në të gjitha nivelet e arsimit para-universitar në Kosovë, pas pezullimit të grevës pesë javore nga SBASHK-u.
MASHTI në njoftimin për fillimin e vitit të ri shkollor ka uruar të gjithë nxënësit dhe mësimdhënësit në vend. Ministria u ka bërë thirrje drejtorive komunale të Arsimit që të sigurohen për mbarëvajtjen e procesit mësimor.
“Janë shpërndarë të gjitha tekstet në komuna e shkolla sipas kërkesave të drejtorive komunale të arsimit, ndërsateksti i Gjuhës shqipe, klasa e pestë, tekst i ri i hartuar këtë vit, do të dërgohet brenda kësaj jave në shkolla”, thuhej në njoftim.
Për 5 javë, mbi 300 mijë nxënës mbetën jashtë bankave të shkollave. Sindikalistët kërkuan nga 100 euro në muaj për çdo punonjës të sektorit publik, deri në hyrjen në fuqi të ligjit “Për pagat”. Qeveria iu ndau nga 50 euro.