Ashtu siç ishte paralajmëruar, para godinës së Kuvendit po zhvillohet protesta e radhës, ndërsa deputetët pritet të mblidhen në orën 10:00 për seancën plenare.
Në zonë janë marrë masa të shtuara sigurie nga Policia e Shtetit, e cila ka blinduar perimetrin përreth Parlamentit.
Për këtë qëllim, është vendosur gardh metalik që nga kryqëzimi i Rrugës së Elbasanit, ndërsa janë kufizuar lëvizjet në afërsi të godinës së Kuvendit.