Stadiumi “Arena Kombëtare” është drejt përfundimit. Teksa janë mbyllur punimet me tribunat dhe fasadat e jashtme, është vendosur ndriçimi, tashmë ka mbetur montimi i stolave dhe shtrimi i fushës me bar natyral.
Në një video të publikuar nga “Shqip Stadium” shihen fragmente teksa po punohet intensivisht për të shtruar barin natyral. Mjetet e rënda ndodhen brenda impiantit kryeqytetas duke niveluar shtresën e parë të fushës. Kujtojmë që “Arena Kombëtare” do të jetë një nga stadiumet më të bukur në rajon, kur pritet të përfundojë në muajin shtator.