Në Madrid të Spanjës ka nisur punimet Samitit i NATO-s. “Përballemi me sfidën më të madhe që prej Luftës së Dytë Botërore”,-tha sekretari i Përgjithshëm i NATO-s, Jens Stoltenberg gjatë fjalës së tij në nisje të atij që e cilësoi një samit historik dhe transformues. Për të Rusia përbën kërcënim të drejtpërdrejtë për sigurinë tonë, dhe shpresoj që shtetet anëtare të shprehen qartë lidhur më këtë.
Plani i ri strategjik i aleancës, sipas Stoltenberg, do të reflektojë edhe një realitet të ri lidhur me Kinën. Shefi I NATO-s tha se nuk e konsideron Pekinin si kundërshtar, por pret që aleatët të pajtohen se ajo është një sfidë për vlerat dhe interesat e tyre.
Dje Turqia hoqi veton për anëtarësimin e Suedisë dhe Finlandës në NATO, pas kundërshtimit fillestar që dy vendet t’i bashkoheshin aleancës ushtarake. Ministrat e Jashtëm të tre vendeve firmosën në Madrid një marrëveshje ku angazhohen të mbrojnë sigurinë e njëri-tjetrit, duke i dhënë fund kështu dramës disa javore që testoi unitetin e aleatëve kundër luftës ruse ne Ukrainë.