Studimi më i madh në botë për vaksinat ndaj COVID-19 filloi të hënën me 30,000 vullnetarë të planifikuar për të ndihmuar në provën e krijuar nga qeveria amerikane me një nga disa kandidatët kryesorë të garës globale të vaksinave. Sipas mediave të huaja edhe pse nuk ka ka garanci që vaksina eksperimentale, e zhvilluar nga Instituti Kombëtar i Shëndetit dhe Moderna Inc., me të vërtetë do të mbrojë nga virusi, studimi do të zhvillohet.

Siç bëhet e ditur më tej, vullnetarët nuk e dinë nëse po marrin “injeksionin” e vërtetë apo një version “mashtrues”. Pas dy dozave, shkencëtarët do të ndjekin nga afër se cili grup përjeton më shumë infeksione, ndërsa ata shkojnë në rutinën e tyre të përditshme, veçanërisht në zonat ku virusi ende po përhapet.

“Fatkeqësisht për Shtetet e Bashkuara të Amerikës, ne kemi mjaft infeksione tani”, për të marrë atë përgjigje”, ka thënë Dr. Anthony Fauci së fundmi.

Disa vaksina të tjera të bëra nga Kina dhe nga Universiteti i Oksfordit i Britanisë në fillim të këtij muaji filluan teste më të vogla në fazën përfundimtare në Brazil dhe vendet e tjera të goditura nga pandemia e Covid-19.

Studimet masive nuk janë thjesht për të provuar nëse vaksinimi funksionon  ato janë të nevojshme për të kontrolluar sigurinë e çdo vaksine të mundshme. Mediat shtojnë se ndjekja e të njëjtave rregulla të studimit do t’i bëjë shkencëtarët përfundimisht të krahasojnë të gjitha “injeksionet”.

Ndërkohë, më pas gjatë gushtit thuhet se do të filloj studimi përfundimtar i Oksford, i ndjekur nga planet për të provuar një kandidat nga Johnson&Johnson në shtator dhe Novavax në tetor  nëse gjithçka shkon siç duhet.

PËRGJIGJU

Please enter your comment!
Please enter your name here