Raportohet se një 28-vjeçar është gjetur i varur në banesën e tij në fshatin Shkallnur të Durrësit ditën e sotme. Burime zyrtare nga policia bënë me dije se dyshimet janë që i riu i ka dhënë fund jetës duke u vetëvarur.
“Rreth orës 07:15, në fshatin Shkallnur, Durrës, është gjetur i vetëvarur në banesë, shtetasi F. K., 28 vjeç, banues në Shkallnur”, thuhet në një njoftim të policisë lidhur me ngjarjen. Grupi hetimor ndodhet në vendngjarje dhe po punon për zbardhjen e rrethanave të ngjarjes, shtuan të njëjtat burime.