Në orët e para të mëngjesit të sotëm, rreth orës 02:30 një person është paraqitur i plagosur në spitalin e Sarandës. Bëhet fjalë për shtetasin Erlind Dumani, 38 vjeç, i cili ka patur një plagë ne qafë, ndërsa dyshimet janë se ai është goditur me thike ose kaçavidë.
Nga sa mësohet, ngjarja ka ndodhur në lagjen nr.3 të qytetit, pranë vendit të quajtur “Plazhi Ri”.
Aktualisht raportohet se i plagosuri ndodhet jashtë rrezikut për jetën, ndërsa pasi ka marrë mjekimin është larguar drejt banesës së tij.
Ndërkohë, policia vijon hetimet por deri më tani nuk dihet ende autori i ngjarjes në fjalë si dhe motivet.