Një 40-vjeçar plagos tre persona në Tropojë, dyshohet se i ka sulmuar me mjete të forta pas një konflikti

Një 40-vjeçar në Tropojë është shpallur në kërkim pasi plagosi me mjete të forta tre persona të tjerë. Ngjarja ka ndodhur rreth orës 17:05, në një lokal në fshatin Rajë, Fierzë. 40-vjeçari dyshohet se i ka sulmuar tre personat e tjerë pas një konflikti. Tre të lënduarit ndodhen në spital, në kujdesin e mjekëve. Në drejtim të Tropojës janë nisur forcat operacionale të DVP Kukës dhe specialistët e Hetimit të Krimeve, për zbardhjen e ngjarjes dhe kapjen e autorit.