Një ngjarje e rrallë dhe e rëndë në të njëjtën kohë ka ndodhur ditën e djeshme në Teulada-Moraira, Costa Blanca në Spanjë, ku një grua britanike ka vdekur pasi është pickuar nga një grerëz teksa ndodhej në një restorant.
Gruaja, 68 vjeç mendohet se ka pësuar tronditje anafilaktike kur është pickuar dhe ka ndërruar jetë në vend.
Raportohet se gruaja kishte shkuar në lokal më familjen dhe miqtë dhe ndodhej në shoqërinë e tyre kur u puckua.
Një zëdhënëse e një qendre rajonale të koordinimit të urgjencës konfirmoi se gruaja kishte vdekur pasi kishte kaluar në shok anafilaktik.
Ajo tha: Ngjarja ndodhi rreth orës 14:00. Gruaja kishte qenë brenda në restorantit kur ndodhi tragjedia.
“Ajo u pickua dhe reagoi ashpër ndaj helmit . Ajo kaloi në shok anafilaktik dhe vdiq në vendngjarje”.
Reagimet më të rënda ndaj pickimeve të grerëzave quhen anafilaksi dhe trupi kalon në shok nga helmimi i tyre.
Simptomat e një reaksioni të rëndë alergjik ndaj pickimit të grerëzave përfshijnë ënjtje në fytyrë, buzë ose fyt, kruajtje në zonat që nuk preken nga pickimi dhe vështirësi në frymëmarrje.