PSG e ka nisur në mënyrën më të vështirë këtë sezon të ri në Ligën e Parë, teksa ka pësuar dy humbje në dy ndeshjet e para. Për këto disfata ka ndikuar situata aspak harmonike e krijuar në skuadër prej infektimeve dhe mungesave në skuadër pre të njëjtit shkak.
Lojtarë si Mbape, Navas e Ikardi janë ende të infektuar. Megjithatë, duket se një lajm i mirë ka ardhur në kampin e nënkampionëve të Europës. Mediet franceze raportojnë se Mauro Ikardi ka rezultuar negativ në testin e fundit për koronavirus dhe është gati të bashkohet me skuadrën në stërvitje.
Një lajm shumë i mirë për trajnerin Tuhel, i cili do të ketë të disponueshëm një lojtar mjaft të rëndësishëm në ndeshjen e ardhshme ndaj Metz të mërkurën, ku nuk do të jenë Nejmar e Mbape. Braziliani u ndëshkua mbrëmjen e djeshme me karton të kuq dhe është i pezulluar.