Sekretari i Përgjithshëm i OKB-së, Antonio Guterres, ka deklaruar se i ka udhëzuar shefit të ndihmës së organizmit botëror që të diskutojë me palët e përfshira, mundësinë e një armëpushimi humanitar në Ukrainë.
Duke apeluar për “armëpushimin e menjëhershëm”, ai thotë se kjo duhet të zbatohet për të lejuar përparim në negociatat serioze politike, që synojnë arritjen e një marrëveshjeje paqeje.
Prej më shumë se një muaji Ukraina po përballet me agresionin rus. Trupat ushtarake ruse kanë bombarduar disa nga qytetet kryesore, duke vrarë shumë civilë, mes tyre fëmijë dhe të moshuar. Nesër deleagcioni rus dhe ai ukrainas do të nisin bisedimet e radhës për paqe në Turqi.