Bashkëpunëtori i ish-Sigurimit të Shtetit në Radio Televizionin Shqiptar raporton para autoriteteve më datë 22.1.1986 se:
“𝑛𝑗𝑒̈ 𝑓𝑒̈𝑚𝑖𝑗𝑒̈ 𝑚𝑒 𝑝𝑒̈𝑟𝑏𝑒̈𝑟𝑗𝑒 𝑡𝑒̈ 𝑘𝑒𝑞𝑒 𝑝𝑜𝑙𝑖𝑡𝑖𝑘𝑒 𝑒̈𝑠ℎ𝑡𝑒̈ 𝑠ℎ𝑓𝑎𝑞𝑢𝑟 𝑛𝑒̈ 𝑛𝑗𝑒̈ 𝑒𝑚𝑖𝑠𝑖𝑜𝑛 𝑡𝑒𝑙𝑒𝑣𝑖𝑧𝑖𝑣 𝑝𝑒̈𝑟 𝑓𝑒̈𝑚𝑖𝑗𝑒̈ 𝑡𝑟𝑎𝑛𝑠𝑚𝑒𝑡𝑢𝑎𝑟 𝑛𝑔𝑎 𝑇𝑒𝑙𝑒𝑣𝑖𝑧𝑖𝑜𝑛𝑖 𝑆ℎ𝑞𝑖𝑝𝑡𝑎𝑟.”
Fëmija ishte fitues i një krijimi në revistën “Fatosi”, por burimi “ Kalaja”, rezident në TVSH, kishte zbuluar se gjyshi i fëmijës ishte në burg politik. Për këtë u bë mbledhje në RTSH dhe në shkollën nga vinte fëmija, se nuk ishin marrë masat e duhura për studimin e biografisë së vogëlushit.
Sipas Sigurimit, edhe shkolla nga vinte fëmija, mësuesja e tij, kryeredaktorja e revistës “Fatosi” dhe regjisorja e programit kishin mbajtur “qëndrim liberal, duke i lënë shteg armikut të klasës të depërtonte në ekran”.
Revista “Fatosi” ishte revistë për fëmijë 6-12 vjeç, e shpërndarë në tirazh të gjerë në vitet ’80. Revista botohej si organ i Komitetit Qendror të BRPSH (Bashkimit Rinor të Punës së Shqipërisë) dhe mbështetej në një rrjet të gjerë bashkëpunëtorësh, nxënësish dhe shkrimtarësh të kohës.
Dokumenti më poshtë është pjesë e Dosjes së Objektit të Rëndësisë së Veçantë të Radio Televizionit Shqiptar, deklasifikuar më 4.02.2021.
Dosja mund të vihet në dispozicion të studiuesve, në përputhje me ligjin 45/2015 i ndryshuar dhe udhëzuesin për studiues e media.