Pas mbylljes së edicionit të 11-të të emisionit që ai drejton çdo javë, “E Diela Shqiptare”, Ardit Gjebrea ka nisur pushimet me familjen, duke zgjedhur bregdetin shqiptar.
Ai bashkë me familjen po i gëzohet traditës shqiptare, duke injoruar në një farë mënyre trendin e shumë prej personazheve të njohur të ekranit, që vendosin për të pushuar në vende të tjera të botës, ndonëse ato konsiderohet tepër të shtrenjta.
Ardit Gjebrea, madje përveç takimeve me artistë e njerëz të tjerë të artit, si vëllezërit Veshaj të humorit, nuk ka nguruar të takojë edhe vendalinjtë e Himarës, me të cilët ka njohje, e thotë se përveç ushqimeve tradicional të zonës, ka pirë me ta edhe një gotë raki.
“Me xha Thomain himariot, pas një gote raki, pak djathë e vaj ulliri – të gjitha të bëra vetë dhe një muhabet vënçe bio”, shprehet Ardit Gjebrea.
