Në ditët e fundit, kanë qarkulluar shumë lajme të cilat lidhen mbi rinovimin e mundshëm të PSG me Nejmar. Në media është përfolur se palët kanë arritur marrëveshjen dhe për katër vitet e ardhshme do të vazhdonin të ishin në një bashkëpunim.
Mirëpo, ai që vendos në dyshim këto informacione është vetë sulmuesi i kryeqytetasve. Nëpërmjet një reagimi në Twitter, Nejmar thekson se në asnjë vend nuk sheh të vërteta. Më pas, braziliani bëri sërish një reagim të çuditshëm teksa shkruajti se: “Asnjë nuk e sheh murin, mund të jetë një mur fallco apo jo?”.
Në këtë formë, kur dukej se gjithçka ishte vendosur për të ardhmen e lojtarit, vetë aktori kryesor ngre dyshime ndërsa Nejmar është përfolur shpesh për një rikthim te Barcelona, edhe pse me krizën financiare që po kalojnë katalanasit kjo duket e vështirë.