Për një orë opozita do të organizojë protestën nën udhëheqjen e kryetarit të Partisë Demokratike Sali Berisha nën moton “Shqipëria në rrezik” , kundër qeverisë së Edi Ramës.
Ndërkohë janë marrë masat e duhura nga ana e Policisë së Shtetit, ku 1 mijë efektivë janë në gadishmëri për tubimin, ku sipas fotove dallohet qartë që një pjesë e furgonëve ndodhen para godinës së kryeministrisë.
Gjithashtu kanë nisur dhe përgatitjet paraprake për protestën, e cila pritet të marrë përmasa të mëdha edhe për shkak të situatës së çmimeve dhe vështirësive ekonomike që po kalon Shqipëria ku qytetarët janë të pakënaqur.
