Deputeti i PD, Enkelejd Alibeaj ka njoftuar se ditën e nesërme do të mbahet një mbledhje e grupit parlamentar në selinë blu.
Mbledhja do të mbahet një orë para takimit që është planifikuar të zhvillohet mes përfaqësuesve të opozitës dhe përfaqësuesve të Partisë Socialiste për çështjen e zgjedhjes së presidentit të ri.
Nuk dihet nëse në këtë mbledhje do të marrin pjesë edhe deputetët që përfaqësojnë Komisionin e Rithemelimit dhe a do të ketë përballë Sali Berishën, i cili është shprehur kundër negociatave me PS për kreun e ri të shtetit.
I pyetur a do shkojë në tryezën e konsultimeve të thirrur nga mazhoranca për kandidaturën për kreun e ri të shtetit, Alibeaj tha: “Grupi parlamentar do të mbajë qëndrimin e vet mbi gjithçka. Tashmë është bërë rutinë mbledhja e grupit parlamentar. Presidenti nuk është i deputetëve, por i shqiptarëve. Kjo duhet të prevalojë mbi gjithçka. Këtë do bëjmë ne. Ne kemi grupin parlamentar të PD. Grupi ynë do të vendosë për qëndrimin dhe procedurat e procesit konsultaltiv”.