Një mumje 4300-vjeçare e zbuluar nga arkeologët, mund të jetë mumja më e vjetër e gjetur në Egjipt. Ai ishte një burrë i pasur, 35-vjeçar, i quajtur Djed Sepsh. “Është mumja më e vjetër, e plotë dhe e mbuluar me ar, e gjetur ndonjëherë në Egjipt”.
Mumja ishte në një arkivol guri prej 25 tonësh, me kapak të vetëm që peshonte pesë tonë, në një nga boshtet ku ekipi hyri. Ai tha se kur ekipi hapi kapakun, ata gjetën mumjen më të vjetër, më të bukur të mbuluar me shtresa ari, me një brez në kokë dhe një byzylyk në gjoks, gjë që tregon se ky ishte një njeri i pasur.
Midis shumë objekteve të tjera të Mbretërisë së Vjetër të zbuluara ishin dy varre, njëri prej të cilëve daton në mbretërimin e Mbretit Unas gjatë Dinastisë së Pestë, midis 2494 dhe 2487 para Krishtit. Tre statuja që përfaqësojnë një person u gjetën gjithashtu në një bosht, dhe nëntë statuja të tjera u gjetën pas një dere false.