Duke dhënë përgjigje të shkurtra dhe të qarta, këngëtari i njohur, Dren Abazi ka zbuluar të tjera detaje nga jeta e tij private. Në rubrikën “After Party” nga Luana Vjollca Dreni është përgjigjur duke treguar se është një djalë shumë romantik dhe i mirë. Në krevat ai ka pohuar se është gjithmonë vetëm, ndonëse është tip që dhuron trëndafila.
I vënë midis zgjedhjes së një bruneje dhe biondeje, Dreni ka lënë të kuptohet se i pëlqejnë më shumë brunet. Këngëtari ka preferuar një dasmë private, ndërsa me të dashurën e zemrës do i pëlqente më shumë të ishte në një ishull privat. Si çdo herë tjetër përgjigjet e Drenit kanë ngjallur shumë kuriozitet, teksa ka preferuar mos ta tregojë nëse është në një lidhje dashurie apo “single”.