Kreu i shtetit Ilir Meta gjatë vizitës në Egjipt ka vizituar edhe Piramidat e Gizës, bashkë me një nga shtatë mrekullitë e botës, piramidën e Keopsit.
Në fotot e postuara në Facebook, Meta shfaqet i mahnitur nga vlerat e jashtëzakonshme egjiptiane, teksa nuk heziton të bëjë dhe selfie.
“Mbresëlënëse vizita në Piramidat e Gizës, ku pata mundësinë të shoh nga afër Sfinksin e madh, por edhe një nga Shtatë mrekullitë e botës, Piramidën e Keopsit. Në Kajro mund të kuptosh shumë mirë, si në asnjë vend tjetër, qytetërimin mijëravjeçar të Egjiptit, por njëkohësisht edhe vlerat e jashtëzakonshme që ka për të gjithë qytetërimin botëror e gjithë kjo pasuri e trashëguar”, thotë Meta në Facebook.
Piramidat janë varre gjigante. Sipas traditës e besimit egjiptian, pasi vdiste faraoni, trupi i tij futej në një varr gjigant në Piramidë. Në to futeshin mjafte ushqime, stoli, e zbukurime madje dhe skllevër qe duhet te shoqëronin faraonin e tyre. Ndërtimi i piramidave kërkonte kohë të gjatë.