Ikona globale e komikeve të DC-së, Wonder Woman, u përfshi në lotin me famë botërore të Warner Bros në Burbank, Kaliforni.
Wonder Woman, e cila përshkruhet nga shumë njerëz si një figurë për fuqizimin e grave, tani do t’i bashkohet legjendës së Ligës së Drejtësisë, Batman, si dy statujat prej bronzi të superheronjve në qytet.
Të pranishëm në zbulimin e statujës ishin regjisorja e Wonder Woman 1984, Patty Jenkins dhe Drejtori i Përgjithshëm i DC Comics, Jim Lee. Statuja prej 2 metrash u zbulua për të pranishmit ,të cilët mbetën të mahnitur.
Jim Lee ndau admirimin e tij për superheroinën e dashur.
“Wonder Woman është botuar globalisht dhe ka frymëzuar miliona fansa në mbarë botën që e panë veten në faqet e mbushura me aksion të librave komik si Lynda. Carter në shfaqjen televizive ose Gal Gadot në filma. Superfuqia e saj e vërtetë sekrete është se ajo vazhdon të bashkojë fansat rreth diçkaje që ata e duan.”
Statuja do të shfaqet plotësisht në Warner Bros dhe do të jetë e aksesueshme për fansat gjatë turneut të tyre të përditshëm në studio.