Shiu i rrëmbyeshëm në Ishujt Balearik të Spanjës përmbyti rrugët, detyroi njerëzit të evakuoheshin dhe detyroi linjat ajrore të anulojnë fluturime të shumta.
Agjencia kombëtare meteorologjike e Spanjës AEMET mbajti një alarm portokalli për të gjithë zonën për shkak të rrezikut të lartë të stuhive, pasi uli nivelin e alarmit më herët, raportoi Reuters.
Shërbimet e urgjencës thanë se prisnin që të kalonte më e keqja e stuhisë, por u kërkuan njerëzve të qëndronin brenda.
“Ndalohet kryerja e aktiviteteve në natyrë”, thuhet në njoftimin e shërbimit emergjent të publikuar në platformën X (Twitter).
Zjarrfikësit rajonalë njoftuan në platformën X (Twitter) se rrethuan zonat në qendër të Palma de Mallorca dhe evakuuan 29 persona nga një tren në linjën midis Palma dhe Manacor për shkak të përmbytjeve.
Më shumë se 50 fluturime janë anuluar në aeroportet në Ishujt Balearik që nga fillimi i stuhisë dje dhe vonesat pritet të vazhdojnë, tha operatori spanjoll i aeroportit Aena.
Policia e Gardës Civile njoftoi sot se ka evakuuar dhjetë persona nga qyteti Soller në Majorka për shkak të përmbytjeve.