Trajneri Hansi Flik tashmë e ka bërë të ditur se do të largohet ng Bajern Mynih sapo të luhet edhe ndeshja e fundit e sezonit. Ai ka qenë i suksesshëm me bavarezët pasi sezonin e kaluar fitoi gjashtë tituj, përfshirë edhe Champions ndërsa këtë sezon e shpalli ekipin kampion të Bundesligas.
Sakaq, Flik shikohet si pasardhësi i Hoakim Lëv në krye të Gjermanisë dhe ka pasur kontakte mes tij e Federatës. Mirëpo, së fundmi në mes ka hyrë Barcelona. Mesa duket presidentinJoan Laporta është një admirues i Flik dhe e ka marrë në telefon këtë të fundit për t’i kërkuar të mos e pranojë stolin e kombëtares, por të nisë aventurën e re në Katalonjë.
Siç dihet tashmë, Kuman pritet të shkarkohet, ndërsa Çavi ka rinovuar në Katar. Ndaj, Flik është bërë gjithnjë e më shumë i preferuari i drejtuesve të Barcelonës. Gjithsesi, mbetet për t’u parë pasi në fund e rëndësishme është edhe dëshira e Mesit, i cili preferon Çavin dhe shpreson që klubi të bëjë sakrificat e duhura për ta marrë.