Një tjetër grua i jep fund jetës me fotoksinë. Ngjarja tragjike ka ndodhur në Berat dhe Policia bën me dije se dyshohet që 45-vjeçarja vuante nga depresioni dhe ishte në gjendje të rënduar psikologjike.
Njoftimi
Mesditën e djeshme, është paraqitur për të marrë mjekim në spitalin rajonal të Beratit, shtetasja F. B., 45 vjeçe, e cila dyshohet se në gjendje të rënduar psikologjike, për shkak të depresionit, ka konsumuar Fotoksinë.
Pavarësisht ndërhyrjes së specializuar të shërbimeve mjekësore, 45-vjeçarja ka humbur jetën.
Në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Berat, vijojnë hetimet për të dokumentuar ligjërisht rrethanat e rastit.