Një tjetër kandidat nga listat e PD-së dorëzon forumalrin e dekriminalizimit në KQZ. Bëhet fjalë për Indrit Hoxha, në listën e Tiranës.
Ai ka mbajtur postin e Sekretarit të Burimeve Njerëzore në Forumin Rinor të PD-së. Ndërkohë që në CV e dorëzuar në KQZ thekson se ka punuar si nëpunës i administratës publike, Bashkia e Tiranës.
Në formularin e dekriminalizimit të dorëzuar në KQZ ai shkruan se është shoqëruar dy herë në Komisariatet e Policisë së Tiranës. Ndërkohë që vetëm njëherë është arrestuar me akuzën e “Shkatërrimit të pronës”.